من أقوى قصايد الخيانه....

.... الـــسلام عـلـيـكـم ورحـمـة اللــه وبـركـاتـة ....
صــبحــكم اللــه بـالخيـر والـعافـية.....
هــاذي قصــيدة أنــا بــرأيـي وبــرأي مــن جــرب الــخيـانة أنــها تــشفــي غــليل الــقلب......>>>>

لا ردك الله لا ولا أطلب ترديــن ......أدعي عليك بعثرة فـي صلاتـــــــي

عثره تشلك ما بعدها تقوميـن .... يا قاتلتني يــــــوم صرتي حياتــــــــي

خدان لك بالقلب كانت بساتين .... وريضان وغصونا بــــــها يانعاتـــــــي

كنتي مناة القلب والروح والعين .... واليوم عينك يعلــــها ما تباتـــــــــي

كنت أحسبك للعهد والحب توفين .... قلتي الغدر بالحب ماهــي بسواتــي

وحلفتي يمين الله ما منك أثنتين .... وأنك مـــــلاك دون كل البناتـــــــــي

وأنك على عهد المودة تسيرين .... ولا تسمعين أهـــل الحسد والوشاتــي

وصار اليمين ستار خلفه توارين .... ورمـــــــاح غدرك بالخفا مشرعاتـــي

وبان الغدر سم جرى بالشرايين .... اللــــــه عسى يسقيك سم الفعاتـــــي

كلي سقيتك حب واليوم تنسيـن .... تقولين حــلــم أيام واليوم فــاتــــــي

خذتي الهوى لعبه على ما تحبين .... لين عصفت بالهوى عاصفاتــــــــي

مـــن زيـنك يا بنت بالشعر تزيين .... مـــــن صورك بابياته الطايلاتـــــــي

أنا من غرامي قلت كانك تذكرين .... قلت الخجل صـــاب البدر من مناتــي

وصرتي بشعري في العذاري تباهين .. تقولين أنا شمس العصر في حلاتي

زينتك بشعري ولا غربك الزين .... ما زانـتـك صـــبغات حـمر الشفاتــــي

صورتك بالشعر حزام ورياحين .... وأثرك هضاب وشوك ما بــــه هداتـي

رسمتك سحابه خير قطر تنفين .... فـزت لـك الـلصحراء زهــور ونباتـــي

رسمتك مهاه للجميله تقوديـــن .... وأثرك قطيعه وضـيعـتـها الرعـــاتـي

وأثرك غراب يوم سدل الجناحين .... كنـت أحـسب أنـي شايف لي قطاتي

بالشعر غليتك عـلى كـل غاليين .... وأثــرك دنـيـه وتعـشـقـين الدناتـــي

وبــالشعر عاتبتك عتاب المحبين .... أنـــا مــن يسوم الروح لك يا غناتـي

توسلت لك خايف على حب عامين .... عامين لـــكن فــي حسابي مئاتــي

ناديت لكن لــــي أبــد ما تسمعين ....عــمري وروحــي فـكري في ثباتي

حـذراك لـلشـينات عـمري تماشين .... عــديمـات أصــل أخــلاقهن دانياتي

غاب الولي عنهن ولعــــبن بحبلين .... يـــا خـــس والـــيهن وخـــس الولاتي

مــا هـمهن في الناس زين ولا شين .... وقـلـوبـهـن مــن حـقـدهـن مظلماتي

وقــلتــي وربــك لــو يكونا ملايين .... مــا غيــرن بــالطباعهن مـن سماتي

تحــســبيــن أنــك بالمهافه ترقـين .... كـــيف الــصعــود يــكون للهاوياتي

وخـــنتي وبعتي كــل عهد وأيامين .... مــا عـــاد يفـــرق بين ماضي وآتي

وصـــرتـي مثل غيرك برخص تبيعين .... يـــا مرخصـــتني ما بقى لك غلاتي

صــبري نـفـذ والـيـوم ثـارت بـراكين .... مـظـلـوم أنــا وبـاكر تحل أدعواتي

سمعي عسى من بعدها ما تسمعين .... سمعي دعا من صار قلــــبه حصاتي

أدعي عسى من ناضرك ما تشوفيـن .... وتطحن بــك الأيام طــــحن الرحاتي

وعســاك عــــــوق منه ما عاد تبرين .... عــــوق تشافق لــــه قلوب العداتي

وياللــه عسى يحتار فيــــك المداوين ..... تبين الممــــــات ولا يجيك المماتي

ويالله عسى كـــــــف الندامه تعضين .... تندمين يوم أنـــــــــه يفوت الفواتي

وتبكين دم يسيل مــــــــن مقلة العين .... وتحتار أمـــــــك عن عناك وتحاتي

عسى مــــا تلاقي من له القلب تهدين .... وأن حصـــل أدعي عساك الشتاتي

يا بـلـوة اللي وسـط بيتــــــه تعيشين .... ساهي وحوله شـــب جمر الغضاتي

عسى بعـمـرك ســـاعة مــــا تهـنـيـن .... وتمضي حياتك بـيـن هــم وشقاتـي

يــا بـنـت قلبي ويــن مثــلــه تـلاقـين .... قلــبــا عطاك الحــب مــا قال هاتي

جــيــتك وروحي شلـتـها لـــك بكفين .... وفـــي التاليه رمــح الـخيانه جزاتي

يالله عساك النــــار يـــا أم وجـهـيــن .... كــلــه أنكشــف لا مــا تفيد العباتي

ويالله عســى تلبسك جــن وشياطــين .... وتكونين مدعـاة الحكي والشماتي

يــــا حية رقطـــا تقود الثعابيـــــــــــن .... باكر تحــن أيــامك المعتمـــــــاتي

وبــاكر عــلـى فـعـلـك بـمـثـلـه تجازين .... ظــلــم المشاعر مـا تحكمه قضاتي

بيني وبينك تحــكــم أيــام وســنــيـــن .... وأنــا شاهدي قلبا من الغدر ماتي

ويـــا دمــعــة التــمســـاح لالا تــذرفيـن .... الــعـيون رغــم أدمـوعها كاذباتي

لا مــا عــرفــتــي الــحــب لا مـا تحسين .... وغــدرك تــعدى غـدر ذيب الفلاتي

الــذيب يــعوي قـبـل يـغـدر بـمـسـكـين .... وأنتي غدرتي خافقي في سباتي

لـــــو كـــان غدرك في كفوف الموازين .... لكان رجــح كل غــــــــــدر البناتي

أنــتــي السبـــب سـقـتي عــلى القلب .... جرحين غدر الغرام وموجع الذكرياتي

وأنــتــي السبـب والـيـوم لالا تـلـومـين .... وأن جــاك بـاكر شوفي أشلون يآتي

والله لاكـــتــب وأفــضـحك في دواوين .... وأرقـص وأغـنـي يــوم خبر الوفاتي

وأرســم لأهــل العشــق قلبــا وسهمين .... وقـصـة خيــانـة مــا روتـها الرواتي

ويمين لأنــشــر فــوق أســمــك عناوين .... وأشهرك مـن قاصي اليمن للفراتي

ومــن غرب هـــالدنيا إلى قاصي الصين .... ديوان غـدر فيه كــــل اللغـــــــاتي

والبادي أظــلــم سنة العين بـــــــالعين .... وألافـــذي لا عـــادتــي ولا صفاتي

ويـــــا شبه أنسانه برأس ورجــلــيــــن .... أعـــــوذ بالرحمن منك بصـــــــلاتي
=================----------------====================
مـــلاحـظة :
رجــاء أللي مــذاق طــعم الـخيــانة والــغدر........ لا يــنتــقد قســاوة الــكلمــات..